Este pasado martes 24 de maio corenta alumnos e alumnas de 4ºESO do noso instituto participaron nun apadriñamento lector co alumnado de 3º de Educación Infantil e de 1º de Primaria do CEIP Chano Piñeiro, organizado polo departamento de Lingua Galega coa colaboración da biblioteca. Recibíronnos na recén estreada biblioteca do CEIP Chano Piñeiro e alí presentáronse as madriñas e padriños e os seus afillados e afilladas para logo marcharen por parellas a ler xuntos un par de contos e conversar arredor desas lecturas.
Moitas grazas ao profesorado do CEIP Chano Piñeiro por acoller esta iniciativa e ao seu alumnado de Infantil e 1º de Primaria polo cariño con que nos recibiron e escoitaron e polos fermosísimos marcadores de lectura personalizados cos que agasallaron os seus padriños e madriñas lectores. Sen dúbida, unha actividade atractiva e enriquecedora que nos gustaría repetir.
Suscribirse a:
Enviar comentarios (Atom)
5 comentarios:
Menuda chulada!
As imaxes dino todo. Fermosa experiencia lectora!
Todo foi brillante, mesmo o sol que acompañou as lecturas. Parabéns!
Compartir lecturas. Soñar. Precioso!
La experiencia fue genial. La mayoría de los niños se entusiasmaban y se metían en la historia totalmente.
Publicar un comentario