A biblioteca do IES Auga da Laxe abre as súas portas hoxe, día 1 de outubro, para iniciar unha nova viaxe neste curso 2007/08. E despegamos esta vez con moitas novidades: mobiliario novo, equipos informáticos novos, pintura nova nas paredes, sistema novo de premios e, en breve, un novo programa de xestión dos fondos. Tamén, por suposto, novas ideas e novas propostas para conseguirmos unha biblioteca cada vez máis viva e máis aberta a toda a comunidade educativa.
Comezamos cunha serie de propostas arredor da celebración do Día Internacional da Tradución, que nos acompañarán até o 11 de outubro: no punto de lectura teremos unha selección de libros e de textos traducidos, dous poemas traducidos do portugués e do catalán no recanto da poesía e a convocatoria dun concurso de tradución co que o noso alumnado poderá conseguir os primeiros bibliopuntos do curso. Máis información, na sección de biblioteca do sitio web do instituto.
Benvidos ao novo curso e boa viaxe!
Suscribirse a:
Enviar comentarios (Atom)
3 comentarios:
PARECEUME MOI INTERESANTE E DIVERTIDO
Estamos moi contentas de que exista unha biblioteca como esta, xa que nela pasamos a maioria do tempo libre que temos, tanto estudiando, lendo, como utilizando internet ( aprendendo cousas novas)e por iso queremos darvos as GRACIAS!!!
Moitas grazas polo voso recoñecemento. A biblioteca, igual que os outros recursos e actividades do instituto, está pensada fundamentalmente para atender as necesidades do alumnado: que a usedes e que aproveitedes os servizos que ofrece (incluído o blog) é o mellor recoñecemento que podemos ter as persoas que traballamos para que funcione.
Concha
Publicar un comentario